نقابة السكة الحديد الموقع الرسمي للنقابة العامة
كتب – محمد نافع :
تلاحظ في الادأونه الاخيره بعض الصفحات التي تهاجم السكة الحديد ودائمة النقد ، ولا يوجد أي شيئ ايجابي في صفحاتهم فالنقد سهل.
لكن الحقيقة ان المجهود المبذول في تطوير السكة الحديد لا ينكره إلا غافل أو جاحد .
الناس طبعها تلاحظ التأخير أو المشكلة لما تحصل، وده حقهم كركاب، بس حد فينا فكر قبل كده حجم المرفق ده عامل ازاي وهو شغال؟
السكة الحديد مش مجرد وسيلة مواصلات، دي رئة البلد اللي بتتحرك بلا توقف .
كلنا شوفنا اثناء توقف حركة القطارات اي اللي حصل للبلد ، لا حد عرف يروح شغله ولا حد عرف يزور اهله ولا يرجع بلده .
يبقي نشجع ونشيد بالإيجابيات
أكثر من 800 إلى 1000 قطار يومياً: في متوسط 10 عربات يعني 10000 عربه قطار .
يعني 1000جرار متخيل الرقم؟
فيه مئات القطارات بتقوم كل يوم من أقصى الصعيد لدلتا مصر، ومن الشرق للغرب، عشان توصل أكتر من كام مليون مواطن لمصالحهم وأهاليهم.
شغالين 24 ساعة صيف، شتاء، سيول، ولا حتى في العيد والعطلات .
في الوقت اللي الكل مع أسرته، فيه عمال، مهندسين، وسائقين وفنين واقفين على حركتك وسلامتك في عز الحر والبرد.
شريان الغلابة والموظفين
الوسيلة الأوفر والأمن والأهم لملايين الطلاب والعمال اللي حياتهم وتقارير عملهم قائمة على المرفق ده.
جميع القطارات بتقوم في أحسن حاله ومحدش بيتكلم علي اهمال وسوء استخدام المرفق وغياب الوعي لدي بعض المواطنين .
المطالبة بالخدمة الأفضل حق مشروع للجميع، والتطوير شغال ومستمر، بس كلمة حق واجبة في حق الاف الرجال شغالين ليل نهار في الخفاء عشان عجلة البلد ما تقفش.
المرّة الجاية لما تركب القطار أو تشوفه معدي ،
افتكر إن وراه جيش بيخدم مصر في كل ثانية .
