نقابة السكة الحديد الموقع الرسمي للنقابة العامة
إلى كل زملائي العاملين بمرفق السكة الحديد ، الذي نعتز ونفتخر به جميعا ، خاصة طوائف التشغيل منهم ، والوظائف الخطرة ، هذه رسالتي لكم من أعماق قلبي .
السكة الحديد دي مش مجرد شغل، دي بيتنا كلنا، ودي أكل عيشنا وعيش ولادنا.
كل واحد فينا، شايل أمانة كبيرة على كتفه، أمانة أرواح ناس راكبة القطار، ومتطمنة إنها هتوصل بالسلامة لأهلها.
عشان كده بقول لكل زميل:
خد بالك من شغلك، خد بالك من نفسك، خد بالك من زميلك.
لو شفت حاجة غلط، متسكتش، نبه زميلك، إحنا كلنا واحد.
الالتزام بتعليمات السلامة مش روتين، دي حياة.
النظافة في الشغل، والانضباط في المواعيد، الضمير في العمل، هما اللي هيخلونا دايماً في المقدمة.
حافظ على سلامة الراكب ، اللي انت مسئول عنه .
حافظ علي أموال وممتلكات الهيئة بكل قوه .
ومن هنا
أدعم بكل قوة قيادتنا في الهيئة، الناس اللي شايلة المسؤولية وبتطور وبتجدد وبتحارب عشان السكة الحديد ترجع أحسن من الأول.
إحنا معاكم، وفي ضهركم، وإيدينا في إيديكم، عشان نكمل المشوار ونحافظ على الهيئة دي.
لنحافظ معاً على السكة الحديد، فهي مسؤوليتنا جميعاً.
أخاف على الزملاء، والسكه الحديد بتهمنا.
أخوكم اللي بيحبكم وبيخاف عليكم
صبحي جورجي جرجس
رئيس قطار الزقازيق
